Шымкент мұнай құбыры басқармасы сенім үдесінен шықты

«Сенім сертификатын» Шымкент МҚБ бастығы Бағлан Досбаевқа Шымкент қаласы мемлекеттік еңбек инспекциясы басқармасының басшысы Бауыржан Қалжанов табыс етті. Сертификат иесі қызметкерлерге барлық әлеуметтік кепілдіктер мен қауіпсіз еңбек жағдайларын қамтамасыз ететіндігін көрсетеді.

Сенім сертификаты үш жыл мерзімге беріледі. Еңбек инспекциясы жөніндегі жергілікті орган сенім сертификатын алған жұмыс берушілерге қатысты еңбек заңнамасы талаптарының сақталуы бойынша жоспарлы тексерулер жүргізуді шектеуге кепілдік береді.